OPERATIEWE PREDING.
Het jy somtyds na ‘n preek geluister met
net ‘n klomp aksie woorde daarin? Die Prediker verwag van jou om deel te neem
aan die aksies van die gemeente, om meer by te dra, om die eredienste gereeld
by te woon, om die besaar te ondersteun, om te help met die skoustalletjie, om
gereeld te bid, om die siekes te versorg, om barhartigheid te bewys, en om jou
motor se ruit in ‘n misdaad-land oop te maak om die bedelaars geldelik te
ondersteun. Dan word die gebed ingespan om die aksie aanslag verder te
ondersteun.
Jy stap daar moeg, skuldig en sat van
alles wat jy moet doen by die kerk uit. Van die Woordverkondiging het niks
tereg gekom nie.
In een boodskap wat ek gehoor het, het die
Prediker die heel tyd met ‘n figuurlik gesproke boormasjien in die hand die
liewe luisteraars se ore probeer oopboor om na die Woord te luister. Hy het
nooit by die Woord uitgekom nie. Sy manierismes was so irriterend dat ek afgeskakel
het.
Geseënd is die gemeente waar die Woord
verkondig word. Geseënd is jy as jy vol verwondering vir God en Jesus Christus
uit ‘n erediens stap.
No comments:
Post a Comment