EEN MINUUT VIR JESUS CHRISTUS.
Joh 16:33 Dit het Ek vir julle gesê, dat
julle in My vrede kan hê. In die wêreld sal julle verdrukking hê; maar hou
goeie moed, Ek het die wêreld oorwin.
Jesus sê dat ons
vrede in Hom kan hê. Ja, vrede. Waarom is dit nodig? Jesus gee die antwoord. In
hierdie wêreld sal dit baie moeilik wees. Trouens ons ervaar dit
dag na dag. Trouens jy kan dit nie eens voorspel nie. Trouens jou gut-feeling
faal hierin. Moeilikheid gebeur, jy soek nie eens daarvoor nie. En jy sal dit
vind. Ons raak moedeloos oor die baie dinge wat op ons losbars. Moeilikheid
soos watertekort, geldtekort, en voedseltekort. Moeilikheid is soos ‘n tsunami.
Soms oorweldig dit ons. Maar hoor wat sê ons Redder. Hy gooi die lewensboei uit
na ons. Gryp dit vas. As sy lewensboei om ons is, het ons vrede, want ons is
veilig in sy hande.
No comments:
Post a Comment