http://huisgenoot.com/leefstyl/is-dit-die-toekoms-n-groentetuin-in-jou-huis/
Massachusetts. Hul liefde
vir die natuur en gesonde, volhoubare voedsel het twee studente ’n binnenshuise
groentetuin laat ontwikkel.
Gabe Blanchet en Jamie
Byron het ’n slim plan beraam wat mense nou in staat stel om heeljaar lank in
hul eie huis hul eie vars, voedingsryke groente, kruie en selfs klein vrugte te
kweek.
Die twee het ’n
kabinet met drie lae ontwerp wat naastenby dieselfde grootte as ’n
standaardboekrak is. Die boonste laag is toegerus met groeiligte (ook in
Suid-Afrika beskikbaar), die middelste laag is die groentebedding en die
onderste laag het ’n vistenk in.
Gabe en Jamie se
stelsel sluit ook sensors vir lug- en watertemperatuur, humiditeit en
watervlakke in. Al die inligting word gekoppel aan ’n slimfoon-app.
Tamaties,
basiliekruid, krulkool (“kale”), jalapenos, blaarslaai en groenboontjies is
reeds suksesvol so gekweek. Grove, hul maatskappy wat amptelik van Augustus
2013 af bestaan, het deesdae met 20 werknemers. Die maatskappy het ook meer as
R56 miljoen in saadbefondsing bekom.
“Hoe meer mense beheer
van hul voedselbronne neem deur hul eie te groei, hoe meer kan bewerkte land
tot ’n natuurlike ekostelsel terugkeer,” sê Gabe.
No comments:
Post a Comment