WIT: ‘n PIGMENTASIE DEBAKEL.
Onlangs is daar ‘n Mistra-konferensie
oor 'Witheid, Afrikaans en Afrikanerskap' gehou. Waarom? Blykbaar oor die Wit
Afrikaner se identiteitskrisis in die Nuwe SA. In ou SA was so ‘n konferensie
onvanpas, omdat die Afrikaner die politieke mag gehad het. Maar tans is die
Politieke mag in die meerderheid Suid-Afrikaners se hande. Die Machiavelliaanse
septer is oorhandig na 1994.
Dit was vir die ou elite en die onderdane
vreedsaam, maar traumaties. Dit is
verstane as jy aan die witkant van die situasie is. Aan die Swartkant was die
oomblik van bevryding eufories. Dit is ook te verstaan gegewe hulle smagting na
Vryheid. Hulle oomblik in die geskiedenis het aangebreek. Die ou Orde het die
agtersitplek ingeneem. Die nuwe orde bepaal nou die gang van ons geboorteland.
Na die Anglo-Boereoorlog het sommige Afrikaners SA verlaat en het in Argentinië gaan woon. Na
1994 het Afrikaners die hele wêreld gaan bewoon. Die diaspora is oral op ons planeet.
Almal pobeer angstig om ons te definieër om net ons
gerus te stel. Oud-Pres. FW de Klerk se onlangse poging om die wittes iewers te
plaas, is foutief. Hy het 10 tal identiteite genoem on ons gerus te stel of
egalitaries te definieër.
Die Mistra-konferensie was onnodig en ‘n misstap.
Dit het meer onduidelikheid as duidelikheid gebring. Daar was oor en weer net
blamering en beskuldigings.Dit was ‘n Pigementasie-debakel.
Ons is Afrikaners. Dit is my identiteit. Ek is hier
gebore, ek praat Afrikaans en het moontlik Koi-bloed, die oudste inwoners van
Afrika. Afrikaner en Afrikaans sê duidelik ek is van Afrika. Ek laat nie die President
of wie ookal my definieër.
Ek is nie ‘n Boer nie, want ek plant nie mielies
nie en boer nie. Ek is ‘n Afrikaner en ek bly net hier. ‘n Boer definiesie het geen identiteit nie, is kleurloos en
oudmodies.
No comments:
Post a Comment