OORDENKING:
MATTEUS 11:28 UITGEPUT EN OORLAAI.
Mat 11:28 Kom na My toe, almal wat
vermoeid en belas is, en Ek sal julle rus gee.
Die lewe maak
ons moeg. Die oorsaak is probleme. Ons word moeg van probleme met ons geldsake,
met ons tegniese probleme wat die rekenaar gee, met ons huwelik, met ons
kinders, met ons kleinkinders, met die wêreld wat onveilig geword het, ons kan
nie meer toer nie, ons sport stort in duie, springbokke verloor, ons kerk is in
onrus oor die gaystorie, dit is nie meer duidelik wat die Bybel sê nie, dit is
nie meer lekker om te lewe nie. Die droogte is soos ‘n luislang wat ons wil
doodwurg.
Verleë en
alleen is ons op ons planeet in die groot heelal. Ons is sonder raad en hulp.
Geen niemand gee om nie.
In hierdie
donker oomblik is daar ‘n fluistering. Kom ons spits ons ore.
Die Gees van
God praat met jou en my. Die Gees van God praat met jou en my op moedverloor se
vlakte. Hy sê wat Jesus Chritus sê: Kom na hom. Gaan na Hom. Praat met hom.
Skree selfs jou nood uit voor hom. Huil snikkend onophoudelik. Hy luister. Vlug
weg van jou probleme in sy troosvolle arms. Die arms word nooit moeg om jou te
ontvang nie. Sy omhelsing is salwend. Dan word die rou wond sag en jy vind dan
rus vir jou onrustige siel.
No comments:
Post a Comment