PSALM 12.
ONREGVERDIGHEID BLY NIE STAAN.
“U,
Here, hou oor ons wag.” Psalm 12:8
Onregverdigheid knaag aan ons. As
iemand ons te na gekom het, ons menswees aangetas en ons vals beskuldig het ,
kan ons dit nie maklik vergeet nie. Gewone skinder is nog hanteerbaar. ‘n Mens
kan negatiewe praatjies doodleef. Maar wanneer iemand ons minag, word ons
woedend. As iemand ons hanteer asof ons dom is, van ‘n swakker klas is en ‘n miderwaardige werk doen, word ons gebelgd.
Saam met die Psalmis het ons ‘n afkeer aan valse mense: mense wat
skynheilig is. Onegtheid kan niemand wegsteek nie: selfs die eenvoudigstes
onder ons kom dit agter en sien dwarsdeur diesulkes. Onegtheid en
onregverdigheid loop soms hand aan hand. By die werk kan ons onmiddellike hoof
ons prys, maar agteraf ‘n swak verslag oor ons indien. Een of ander tyd sal ons
dit te hore kom , soos wanneer ons nie die swaar verdiende bevordering kry nie.
Dan wil ons wraak neem: ons wil die een wat ons te na gekom het, verkla oor die
ongerymdhede waaraan hy hom skuldig gemaak het.
Voordat ons dit doen, luister na die
Bybel: “ Moenie self wraak neem nie, geliefdes, maar laat dit oor aan die
oordeel van God.” (Romeine 12:19). Dit is moeilik om nie wraak te neem nie,
want die wrok sit diep binne- in ons. Ons voel so verneder en magteloos.
Bid ernstig tot God om die bevryding
van wraakgevoelens, maar ook dat regverdigheid sal sëevier.
GEBED
Here, ons is woedend oor die
onregverdige behandeling by die werk, maar ook op ander plekke waarin ons ons
bevind. Help ons om nie wraak te neem nie. Gee ons die geduld om op u
regverdige optrede te wag.
VRAE
1. Hoe
beskerm die Here God ons teen gemeenheid?
2. Wat
moet ons, afgesien van gebed, doen om nie wraak te neem nie?
No comments:
Post a Comment