AFRIKAANS AS UNIVERSITEIT-TAAL?
Wyle Fanus Rautenbach het gevra en gesê:
wat is Boeresport? Dit is toutrek en dwarstrek. Om eensgesind oor Afrikaans as
Universiteitstaal te debatteer, is onmoontlik. Soveel uiteenlopende gedagtes is
daar tans soos die aantal Afrikaanse dosente op die verskillende Universiteite.
Die konteks waarin Afrikaans
staatkundig tans geplaas is, is verskillend as onder die vorige bedeling.
Nou: is Afrikaans deel van die ander inheemse tale. Engels is die Staatkundige taal.
Die Grondwet is hermeuneties vertolkbaar. Maw Afrikaans se gebruik word binne
die SA konteks as minderheidstaal geplaas.
Afrikaans het as Universiteitstaal
onder ‘n gunstige politieke bedeling ontwikkel. Die bedeling bestaan nie meer
nie.
Prof Herman Giliomee vergelyk Afrikaans
se posisie met die van die aanverwante tale soos Nederlands en Vlaams. Maar dit
is ‘n denkfout, omdat die 2 aanverwante tale onder ‘n eie Politieke bedeling opereer
wat totaal anders is as die van Afrikaans. Vergelyk Afrikaans met Afrikaans in
Namibië. Moontlik sal dit meer duidelikheid gee.
Afrikaans as Universitietstaal se
opvangsgebied is beperk tot mense wat Afrikaans verstaan soos dit tot nou ontwikkel
het. Afrikaanses in Argentinië, die klein bietjie daar, sal dit nie eens begryp
nie. Sal kinders van die Afrikaanse diaspora belangstel om Afrikaanse wetenskaplike dissertasies te lees? Om nie
eens van ons eie te praat nie. Sal die Nederlanders en die Belge?
‘n Nugtere ondersoek is nodig. Deur
wie? Weet nie.
Een ding is seker: net ‘n groepie Afrikaanssprekendes wat die Taal as
Universiteitstaal wil behou, sal soos Solidariteit ‘n eie onafhanklike
Universiteit moet stig en instandhou sonder enige Regeringhulp van SA.
Die moontlikheid van ‘n Elektroniese
Universiteit sal oorweeg kan word.
No comments:
Post a Comment