EEN MINUUT VIR
JESUS CHRISTUS.
Jesus het gesê:
Joh 6:37 Al wat die Vader My gee, sal na
My toe kom; en Ek sal hom wat na My toe kom, nooit uitwerp nie.
Verwerping is
sekerlik een van die mees pynlike ervaring wat daar is. As iemand jou verwerp
dan worstel jy met baie vrae: wat het ek verkeerd gedoen, wat het ek moontlik
verkeerd gesê, wat is daar in en aan my wat die ander persoon genoop het om my
te verwerp. Ouerlike verwerping is ingrypend. Kinders is emosioneel nie daartoe
opgewasse om verwerping te hanteer nie. Die gevolge daarvan is sigbaar in hulle
tiener en volwasse gedrag.
Maar Jesus
Christus sê in die teksvers: Almal, ja almal wat na hom kom sal Hy nie verwerp
nie. Dit is duidelik; elkeen, afgesien van ras, geslagsoriëntasie, geleerd of
ongeleerd, ryk of arm, sondaar, verworpeling deur mense, daar is geen
kwalifikasie om na Jesus Christus te gaan nie. Hy is daar om jou met oop
arms te ontvang. Maar moenie soos Lot se vrou omdraai om na ander mense, die
kerk, geloofsorganisasies of wie ookal te kyk nie, want die moontlikheid
bestaan dat jou emosies in ‘n sout pilaar gaan versteen weens hulle verwerping.
No comments:
Post a Comment