Luk 2:10 En die engel sê vir hulle: Moenie bang wees
nie, want kyk, ek bring julle ‘n goeie tyding van groot blydskap wat vir die
hele volk sal wees,
Sofokles het gesê: om ongelukkig te wees,
is jou eie skuld, en dit bring ‘n groot verdriet.
Maar is jy Gelukkig? Is jy in hierdie Kersfeestyd Gelukkig?
Wat sê die Bybel?
In Lukas 2:10 en 11
staan daar: Luk 2:10 “ En die engel sê vir
hulle: Moenie vrees nie, want kyk, ek bring julle ‘n goeie tyding van groot
blydskap wat vir die hele volk sal wees, Luk 2:11
‘dat vir julle vandag in die stad van Dawid gebore is die Saligmaker wat
Christus, die Here, is.”
Die Goeie Tyding is: Jesus het gekom, om jou
SALIGMAKER, jou GELUKKIGMAKENDE GOD te wees. Maw in Kerfees wil God jou
gelukkig maak, want jou Saligmaker is gebore.
Leonardo da Vinci het gesê: o God u gee alles, as ons
net ‘n bietjie moeite wil doen.
Doen ‘n bietjie moeite en ontdek weer: dat die goeie
tyding, God se geluk, die Saligmaker, die Gelukmakkende God vir jy jou geluk gestuur
is wat jy weer by God in Jesus Christus sal en kan vind.
Die Bybel bevestig
telkens hoe God alles gee om jou gelukkig by God kan vind. En hoe God alles vir ons
doen. In 2 Pe 1:11 “ Want so sal
ryklik aan julle verleen word die ingang in die ewige koninkryk van onse Here
en Saligmaker, Jesus Christus.”
Jesus Chistus is die Saligmaker, die gelukmakende God
vir elkeen wat in HOM GLO. Hy maak ons gelukkig want Hy verkies jou en my uit
om tot sy ewige koninkryk behoort. Hy kies jou persoonlik uit OM JOU IN TE SLUIT IN SY Koninkryk.
Hierdie geluk is nie
net vir die skaapwagters bedoel nie, maar vir jou en die ganse wêreld. Hoor
wat sê die Bybel: Hoor dus wat kondig God se boodskappers, sy dienende geeste, sy
Engele aan in Luk
2:14 “Eer aan God in die hoogste
hemele en vrede op aarde, in die mense ‘n welbehae!” (KJV) Glory to God in the highest, and on earth
peace, good will toward men.
Soos die Enegele, God se dienende geeste volgens Hebreers Heb 1:13-14: Van watter engel het Hy
ooit gesê: "Sit aan my regterhand, totdat Ek jou vyande aan jou onderwerp
het"? Is hulle (d.w.s. die ENGELE)
dan nie almal geeste in diens van God, wat Hy uitstuur om dié te dien wat die
saligheid gaan beërf nie? Duidelik kom sê dat God
jou wel gelukkig wil maak en sien gedurende Kersfees. Jy is ingesluit en nie
uitgesluit in God se geluk plan vir jou nie.
God gee: die Saligmaker, GELUKKIGMAKENDE GOD, sy onvernietigbare
goedgesindheid teenoor alle mense. God wil mense gelukkig maak. God wil jou
hierdie Kersfees gelukkig maak. Jy is vir Hom so kosbaar dat Hy daardie Kersnag sy menigte boodskappers uit die
hemel gestuur het om die tyding dat Hy Jesus vir jou gestuur het, aan JOU
spesifiek oor te dra. Dit was ook die
boodskap vir jou gesin, vir elke mens op aarde, nie net vir die herders nie.
Sy ewige Koninkryk is ook vir jou bedoel. Sy ewige geluk is vir jou bedoel.
Hier is nog geestelike redes waaarom jy baie gelukkig
kan wees: Het jy al ooit daaraan gedink dat Kersfees oor die koms van Iemand
gaan wat Homself sou kom gee, sodat jy grond
in God se Koninkryk sou kon kry?
Sodat jy ‘n huis in die hemel
sal hê? Sodat jy vir ewig en ewig ‘n
plekkie naby God self sou hê? Het jy al
ooit daaraan gedink dat Kersfees oor God se plan gaan om jou in en deur Jesus
burgerskap van die Koninkryk van God op die aarde en in die hemel te gee? Jy hoor dit dat jy grond kan kry in ‘n huis by
God kry en dit behoort jou gelukkig te maak.
Jy vra: Hoe is dit moontlik? Kersfees gaan oor Jesus wat sy
gehoorsaamheid, sy bloed en wonde, sy alles kom gee, sodat ek ‘n plek naby God
kan kry, Sodat ek burgerskap van die Hemel kan kry.
Christus Jesus het deur sy Offerdood die vyandskap tussen God en mens kom
verwyder. Daar is nou geen veroordeling meer s^e Romeine 5 nie. God doen alles
vir jou om jou gelukkig te maak.
Maar wat moet EK dan
doen of gee?
Die Bybel sê in Hand 16:31”:
Glo in die Here Jesus Christus en jy sal gered word, jy en jou huisgesin.”
Dit is wat jy moet doen.
Dit is wat jy moet gee.
Jy moet AL jou sonde, AL jou twyfel, alles wat jy is, vir Jesus gee. Jy moet Hom alleen
aanvaar as jou Saligmaker: jou enigste Hoop, jou enigste Verlosser, jou enigste
Koning, jou enigste Redder, jou Enigste God. Jou Saligmaker, jou
gelukkigmakende God.
Die geloofsfeit dat jy in Kersfeestyd opnuut verseker
word dat jy deel van God se ewige Koninkryk gemaak is, behoort jou baie opgewonde te maak net soos vir die skaapwagters.
Toe die Skaapwagters gelukkig was wat het hulle gedoen?
Wat was die skaapwagters se reaksie op die gelukkigste
oomblik van hulle lewe?
In Lukas 2: 15 en 16 staan daar: “En toe die engele
van hulle weggegaan het na die hemel, sê die herders vir mekaar: Laat ons dan
na Betlehem gaan en hierdie ding sien wat gebeur het, wat die Here aan ons
bekend gemaak het. Luk 2:16 En hulle gaan toe haastig daarheen en kry Maria en Josef en die kindjie wat in
die krip lê.” Die skaapwagters het alles
gelos en na Josef, Maria en Jesus gegaan. Hulle het God geloof en geprys, omdat
hulle hulle Saligmaker gesien het.
Maar onthou die volgende is ook geldig.
·
As mens nie in die wil van God is nie, is jy nie gelukkig nie.
·
As jy geen hoop
het nie, is jy nie gelukkig nie.
·
As jy geen vrede
met God of jou medemens ken nie, is jy nie gelukkig nie.
·
As niemand met sy sonde
ophou of vergifnis ontvang en vergifnis gee nie, kan niemand gelukkig wees
nie.
·
As niemand die greatness
in you ken nie, as niemand jou gebrokenheid kan heelmaak en jou weer God se
pragtige weerkaatser kan maak nie,
kan jy nie salig gelukkig wees nie.
Verstaan JY dit nou? Verstaan jy nou wat geluk is.
Wat sal ons hierdie Kersfees gelukkig maak?
Om die Saligmaker, die Gelukmakende God te ken en in
hom te glo.
Wat sal ons hierdie Kersfees gelukkig maak?
Hierdie Kersfees behoort ons met goeie vriende deur te bring. Vriende wat ons Saligmaker ken.
Vriende wat nie uitspattig is en aan drank
en dwelms veslaaf is nie. Vriende wat God deur Jesus Christus liefhet.
Wat sal ons hierdie Kersfees gelukkig maak?
Hierdie Kersfees behoort ons aan die eensames te dink en hulle by te staan
en hulle met sorgsaamheid te omring. Die Bybel sê in Mat 25:40 “En die
Koning sal antwoord en vir hulle sê: Voorwaar Ek sê vir julle, vir sover julle
dit gedoen het aan een van die geringstes van hierdie broeders van My, het
julle dit aan My gedoen. “
Wat sal ons hierdie Kersfees gelukkig maak?
Hierdie
Kersfees behoort ons aan ander blymoedig
te vertel dat ons Saligmaker ons uitverkies het om deel te mag hê aan sy
ewige Koninkryk. Dat geen mot of roes die ewige Koninkryk kan besmet nie.
Wat sal ons hierdie Kersfees gelukkig maak?
Hierdie Kersfees behoort ons te bid dat God sal ingryp en bendeleiers wat ons teister te
verander.
Thomas Fuller het
gesê: Gebed moet die sleutel wees bedags en die slot snags.
Wat sal ons hierdie Kersfees gelukkig maak?
Hierdie Kersfees behoort ons vir diegene wat ons niks van hou nie te bid, deur aan hulle
‘n Bybelteks van God se liefde vir hulle te gaan gee.
Wat sal ons hierdie Kersfees gelukkig maak?
Hierdie Kersfees behoort ons na lieflike geestelike musiek te luister.
FW Faber het gesê die
musiek van die Evangelie lei ons huis toe.
Wat sal ons hierdie Kersfees gelukkig maak?
Hierdie Kersfees behoort ons aan die grootheid van God te dink.
Om IN CHRISTUS te wees, beteken:
Jesus Christus is ons alles.
Jesus maak ons gelukkig.
TWYFEL JY?
En onthou: Geen
mag of krag of stof op aarde, geen tydelike ding of verganklikheid kan ons op
aarde gevangenis hou nie. Christus die Saligmaker, die Gelukmakende God,
het ons van die tydelike kom verlos en ons wat in Hom glo, in sy ewige
koninkryk ingegesluit. Dit behoort ons gelukkig te maak nl dat ons in sy ewige
koninkryk ingesluit is.
Dan hoef jy nooit
weer te twyfel nie. Jy gaan die
Koninkryk van God binne deur in Jesus Christus te glo. Dit is God wat deur sy Gees in jou werk om
dit te doen. Dit behoort jou gelukkig te
maak.
As jy glo, kan Niemand
jou uit die God se hand ruk nie. Hoor wat sê die Bybel in Joh 10:29
“My vader wat hulle aan My gegee het, is groter as almal; en niemand kan
hulle uit die hand van my Vader ruk nie.” Maw God is groter as almal en Niemand
kan ‘n kind van Hom uit sy hand ruk nie. As jy kind van God is, is jy Syne vir
altyd, en jy hoef nie daaroor te twyfel nie. Dit behoort jou baie gelukkig te
maak, want Niemand kan jou uit God se hand ruk nie.
Laastens: Luk 11:28 En Hy sê: Ja, maar gelukkig is hulle wat die
woord van God hoor en dit bewaar.
