Saturday 23 July 2016

BRUGPREDIKANT


Dr. Howard du Toit se Boekie, die wins van Brugbediening, is interessant en nodig vir die tyd waarin ons is. Hy het dit gemaklik samgestel, en dit lees vloeiend. Die Afrikaanse kerk in SA gaan deur ‘n stroomversnelling. Demografiese verskuiwings en ander faktore be-invloed die kerk. Net kantaantekeninge: Donkiejare gelede het prof. Willie Jonker vir ons, as studente, op sy kenmerkende wyse gesê: wel, menere, die Aufklarung gaan ons inhaal.  Hy het pas uit Nederland gekom waar hy aan Kampen doseer het en die winde van verandering reeds daar aangevoel. Aan die anderkant in dieselfde jare het prof. Bethel Muller gesê dat die NG Kerk die depressiejare oorleef het asg van predikante wat onder sinkplate ingekruip het en persoonlike kontak met lidmate behou het. Die vraagstuk van die selfstandigheid van die kerk  is deur prof Nico Smith aangespreek in Sendingwetenskap. Hy het prof David Bosch aangehaal wat gesê het die kerk is Christusstandig. Vir my was die teologiese opmerking korrek.

In die Boekie is die positiewe uitgangspunt naamlik groei belangrik binne die konteks waar ‘n Brugpredikant benodig word. ‘n Pigo-analise van die gemeente waarin ‘n Brugpredikant optree, is essensieël. Die term omspan al die emosionele kragte in ‘n bepaalde gemeente waar die bediening nodig blyk te wees. Ek stem saam met Loren Meads se “dialogiese spanmodel” asook ‘n openheid van die Brugpredikant, sodat die dinamika van ‘n gemeente los kan kom om self verantwoordelikheid te neem vir hulle lot. Geduld en ‘n spanninglose verhouding tussen Brugpredikant en die gemeente behoort te help om die begeleiding te doen. Dit was heerlik om die Boekie te lees.

Tuesday 5 July 2016

FLUITERS


FLUITERS verdien ‘n veertjie. ‘n Veertjie in die hoed van Deon Opperman en sy hele span. Al die akteurs, die gesoutes en die jonges, was nommerpas, en het hulle rolle uitstaande vertolk. Wat ‘n heerlike Spioenasie-reeks met spanning, intrige en ’n ingewikkelde spanningslyn is ingebou. Met die slot-episode wou ons bly sit en sit om nog te kry. Die vorm waarin Fluiters gegiet is, was so bekend. Opperman het die huidige tydsgewrig se Staatsintelligensie so aaneen met die vorige bedeling se omstandighede laat loop  dat die gehoor presies geweet het wat aan die gebeur is.Die inhoud van FLUITERS was fiksie gebaseer op werklike gebeure van die verlede en die hede. Die Kernbom is fiksie, maar was ‘n werklikheid in die ou orde. Daarom is die Kernontwapening van SA in die werklikheid gedoen. Dit was ‘n goed beplande storie. Aan die einde, die laaste episode, het die finale ontknoping plaasgevind. Daar was ‘n mol in die Staat-struktuur en moontlik ‘n dubbel-agent, die skilder, wat sy telefoon in die gras weggooi en die terroriste met die bom elimineer. Dit is ‘n half oop einde, maar so ‘n feetjie-verhaal, liefdeseinde, toe die FLUITERS weer almal lewend ontmoet. Opperman het sy navorsing gedoen. Baie baie geluk aan hom en sy span asook KykNet vir die beeldsending.    

Monday 4 July 2016

‘n Ongeëksamineerde lewe is ....



 
‘n Ongeëksamineerde lewe is nie die moeite werd om te lewe nie.
Sokrates.
Bron: JJ Degenaar: Moraliteit en Politiek: 1976: Tafelberg-Uitgewers.