PSALM 15
GOD IS IN ONS.
“Wie het die reg om
in u woonplek te kom, Here?” Psalm 15:1
Kinders van God is uiters bevoorreg.
‘n Wonderwerk het plaasgevind: God woon nie meer net op die berg Sion nie, maar
nou in ons. Sy Heilige Gees is nou binne- in ons: “Bewaar dit deur die Heilige
Gees wat in ons woon. “ (2 Tim. 1: 14). Christus Jesus het die inwoning van die
derde persoon van die Drie-Eenheid in ons moontlik gemaak. Met sy sterwe aan
die kruis het die Tempel se middelmuur van skeiding tussen God en mens geskeur
en is Hy by en in ons.
Ons is uiters begenadig, want nou hoef
ons nie op te klim na die berg Sion nie: God is in ons. In Psalm 15 vers 2 word
die volgende vereiste gestel voordat enigeen na God kan gaan: “Hy wat
onberispelik wandel en doen wat reg
is…” As ons as sondaars ons
hieraan moes meet, skiet ons ver te kort. Dit beteken dat ons nooit na God sou
kon gaan nie. Maar Christus het ons van die toegangsrëels tot God kom bevry: sy
Gees is in ons.
Hierdie genade dat sy Gees in ons is, behoort ons te
motiveer om sy Gees in ons te koester: om toe te laat dat die Gees ons gees
bevrug met die godsaligheid: dat ons vrugte sal dra wat by die bekering pas.
Die Bybel sê immers: Iemand wat aan Christus behoort, is ‘n nuwe mens.” (2 Kor.
5:17)
GEBED
Ons loof en prys U, liewe God, dat U
in ons woon. Gee dat ons die vrugte van die Heilige Gees daagliks sal vertoon.
VRAE.
1. Wat
het die ou verbondsvolk gedoen om aan die vereistes van Psalm 15 te voldoen?
2. Watter
rol het die priesters gespeel om die toegang na God te bewerkstellig?
No comments:
Post a Comment