CHRISTELIKE GEDRAG
VERG MEER AS SALOMO SE WYSHEID.
Christene se
gedrag vra tans meer as Salomo se wysheid. Trouens die korrekte Christelike gedrag
was nog altyd in die spervuur. In die verlede het mense hulle van die Christendom
gedistansiëer weens Christene se gedrag. Gandhi het gesê: Ja vir Christus, maar nee
vir christene.
Deesdae verskyn
daar boeke met die Titels: Ja vir Christus, maar nee vir die Kerk. Dit is
ingrypende kritiek wat ons nie ligtelik kan afmaak nie. Ons kan dit nie net as
kwaadwillig of ideologies gedrewe sien nie. Daar mag wel ‘n element van
waarheid insteek, maar dit mag nie ons aanspoor om ongekontroleerde gedrag te
openbaar nie. Gister was daar in die Volksblad ‘n berig waarin beweer word dat ‘n
openbare figuur se christelike obsessie afstootlik is. So deur dade en woorde
is die moontlikheid altyd daar om aanstoot te gee.
Dit vra meer as
Salomo se wysheid om korrek Christelike op te tree deur woorde en dade. Is die
antwoord: ek sien niks, ek hoor niks en ek sê niks? Of vra dit selfbeheersing
soos min? Vra my stres, emosionele ongesteldheid en gebroke persoonlikheid ‘n
radikale aanpassing? Is selkennis die oplossing? Moontlik is die antwoord in
meer as een van die moontlikhede opgesluit. Wat van ‘n kombinasie daarvan?
No comments:
Post a Comment