IS DOGMA NODIG?
Sommige kerkleiers en ander mense is deesdae
gekant teen dogma. Hulle voel dit is verstarrend, oudmodies en onnodig. Is dit
werklik die rede waarom hulle so voel? Is daar nie moontlik ander redes hiervoor
nie. As ‘n mens aan ‘n bepaalde kerkgenootskap behoort sal die erfsonde en erfsmed
‘n probleem wees as jy net volwassenes doop. Wat maak jy met die kleine kinders
in die kerk? Hoe verklaar jy hulle saligheid as iets sou gebeur? Wat van die
Verbond? Moontlik is daar diegene wat ongemaklik is met kerklike dogmatiek of
leerstellinge wat hulle mag egalitarisme be-oefen wat ‘n probleem het met die
leerstuk dat Jesus Christus die enigste en ware verlosser is. Sommige mag dalk
ateïste wees dan is leerstellinge ‘n warm patat om te hanteer.
Hoe dit ookal sy: dogma is nodig. Dogma is ‘n
sistematiese nadenke oor die Skrif. Om ‘n voorbeeld te noem: om oor sonde ‘n
ewewigtige opinie te mag hê kan ons tog nie net op Genesis 3 alles oor sonde
vind nie. Daar moet na ander tekste gesoek en sistematies daarmee versoen word.
Oor verlossing is Johannes 3 vers 16 nie die enigste teks nie, daarom moet
ander teksverse gesoek en gesistematiseer
of gedogmatiseer word.
Dogma hoef geen bedreiging in te hou nie. Kyk
‘n bietjie met ‘n ander oog daarna. Dit is heerlik om dit te lees en aan die
Skrif te toets of dit waar is aldan nie. Dit is ‘n rasionele en geloofstoets
wat ons tot nuwe en heerlike ander insigte kan bring.
No comments:
Post a Comment