DIT WOEL EN WROEG BY MATIES.
Nog steeds die einde niet. Nou wroeg en woel
dit WEEREENS oor die gelykberegtiging van tale by Maties. Die Konvokasie moet
daaroor besluit. In wese gaan dit om die behoud van Afrikaans as Akademiese
taal. Adv. Jan Heunis het ‘n logiese betoog gegrond op die Grondwet van SA
uitgewerk. Dit is die beste wat jy kan kry in die tyd. Ek steun hom heelhartig.
Dit het my teruggeneem na die 70’s van die vorige eeu. Die aand was daar ‘n
massa-vergadering van studente. As ek reg onthou het dit gegaan oor die
Redakteur van die Studenteblad. Daar was nie-korrekte politieke geluide binne
die tydsgewrig van destyds gewees. Daardie aand het Jan Heunis as student die
vloer gevat en skitterend ge-argumenteer oor die behoud van die status quo. Hy
het die “libbies” se argumente omgekeer. Hy was die ster van die aand.
Maar die huidige SR Voorsitter sê dat die
konvokasie huidiglik te wit is en dus nie verteenwoordigend is nie. Wat die
uitslag gaan wees is oop.
Die vraag is wat van die toekoms? Huidiglik
op die kort-termyn kan die oorlog gewen word, maar vir hoelank totdat die
Konvokasie en die Alumni-bestuur verteenwoordigend is. Wat dan?
Na my mening is langtermyn optrede nodig.
Solidariteit se rigting is langtermyn. Hulle Akademia is ‘n volwaardige
Universiteit met Afrikaans as taal-basis.
Die vraag is: moet ons nie liewer kragte
saamsnoer met hulle en langtermyn dink nie? Bou een volwaardige Afrikaanse
Universiteit uit met internet of e-learning daarby. Dit sal die spanning om die
status quo te behou verlig en Afrikaans a-polities laat voortbestaan.
No comments:
Post a Comment