Jesus Christus het gesê:
Mat 5:9 Salig is die vredemakers, want hulle sal
kinders van God genoem word.
Ons kan nie van vrede
praat as daar nie konflik of oorlog is nie. Die een is die ander een se kant.
Dit is soos ‘n muntstuk. Aan die eenkant is die voorkant en aan die anderkant
die agterkant. Die twee woorde is bykans
onlosmaaklik aan mekaar verbind. Hulle is soos een muntstuk.
Gelowiges kan ook nie
die problem vryspring nie. Alhoewel dit as een muntstuk beskryf kan word, word
christene daarmee gekonfronteer. Christene is nie van die dilemma vrygespreek
nie.
Wat met konflik gemaak?
Dit moet hanteer word. Met watter gesindheid moet dit hanteer word? Die Bybel
sê in Fil. 2:5: “Want hierdie gesindheid moet in julle wees wat ook
in Christus Jesus was. “
Dit beteken dat ons elke
konfliksituasie vredevol moet hanteer en benader.
Dit verg bomenslike
insig en krag. Daarom is die volgende Bybelvers van krag: Fil. 4:13 Ek is tot alles in staat deur
Christus wat my krag gee.
Die beloning bly nie
uit nie. Vredevolle gelowiges is ipso facto kinders van God.
No comments:
Post a Comment