EINDE VAN ENGELSE TUINE!
In vandag se Volksblad
berigte oor water wat alles laat verdroog. Op die voorblad is daar foto’s van riviere
se lope wat leeg loop en ander is reeds droog. Die reenval is onhebbelik
skaars. Die natuur is abnormaal. Koue winde in die somer laat alle groentes
magteloos om behoorlik te dra.
Vir die landbouers,
stedelinge, diere almal wat leef word radikaal geraak. Die uitwerking is hoogs
negatief. Haas op elke terrein bedenklik voelbaar. In ‘n volle berig binne die
koerant is daar verskillende redes aangevoer. Een is El Nino. Teen natuurlike
verskynsels kan bloedweinig gedoen word.
Die oplossing is aanpassings
wat gemaak sal moet word. Tuine met grasperke, lieflike uitheemse blomme en
watervalletjies se dae is in SA getel. Water is kosbaarder as Engelse tuine.
Verdere aanpassings is
nodig. Droogbestande gewasse, geen waterinstallasies wat lek nie, woestyn
boerdery met vetstertskape en ander diere wat reeds in woestyne oorleef en
markgereed is. Groente en vrugte in kweekhuise verbou.
Ons benodig ‘n chemise ingenieur
wat ‘n fotosintese filter kan ontwikkel om aardgasse na suurstof om te skakel.
En geen Engelse tuine
nie.
No comments:
Post a Comment