'ONS GAAN DIE TAAL MAAK.'

Die boek, ‘ONS GAAN DIE TAAL MAAK’ is interresant en insiggewend. Prof Jaap Steyn skryf oor die geskiedenis van Afrikaans. Hy begin by die Patriottebeweging en neem die leser op ‘n fassinerende reis tot bykans vandag. Nuwe inligting oor die Taal word meegedeel. Byv. Pres. MT Steyn het Engels met sy vrou, wat van Skotse afkoms was, gepraat, maar Afrikaans met sy kinders. Die Struwelinge rondom die Sestigers word uitgebeeld. Die botsing tussen dr. Verwoerd en NP van Wyk Louw oor die kunste, word vermeld. Afrikaans is na 1994 nie meer op die regering se Agenda nie, maar Engels. Die rede waarom die Afrika-regeerders die koloniale taal, soos oa Engels, gebruik, is om stam en etniese verskille te verhoed, is nogal insiggewend in die Boek. En daar is nog baie inligting.

Die Boek skryf oor die stroomversnellings waaraan Afrikaans blootgestel is. Afrikaans is in Geskiedkunige fases beskryf, maar dit is ‘n proses waardeur dit gegaan het. Afrikaans is en sal altyd deel wees van die volle kultuur van die gebruikers van die taal. Die Taal is ras-loos, kleurloos en het verskillende godsdiensgroeperinge, soos die Christendom en Islam, volgens my.

My interpretasie: Metafories gesien is die geskiedenis van Afrikaans soos die Nyl-rivier. Maar die ‘Nyl-rivier’ het twee deltas op hierdie oomblik. Die ontstaan van die ‘Nyl’ het verskillende spruite: Hollandse, Maleisiese, Khoi, Griekwa, Duits, Frans en ander groepe. Van 1948 tot 1994 was Afrikaans bykans een stroom rivier. Dit was die Taal van die NP. Na 1994 vertak Afrikaans weereens in ‘n Delta met verskillende spruite, soos, Gestandardiseerde Taal van die Akademie, Kaaps, Khoi, Griekwa en allerande dialekte soos binnelandse Noordelike en Suidelike fonetiese uitsprake, asook Oorsese Afrikaans in Argintinië, Engeland, VSA en Australië. Maw nou het dit ‘n fragmentariese voorkoms. Afrikaans moet altyd binne ‘n historiese konteks geplaas en be-oordeel word.

Die Boek, ‘Ons gaan die Taal maak’, is tussen hakkies. Dit sê moontlik, terloops of soos jy dit wil verstaan. Die Boek is nie, Afrikaans is, nie. Maw daar is geen Politieke beskerming nie. Die Taal is nou in ons, almal wat Afrikaans in sy breedste vorm, gebruik se hande. Wat gaan ons nou daarmee doen?