Lanklaas was die nasie so teen die
grond wat die Bokke betref. Maar waar lê die probleem? Ons wat nie speel nie is
nou baie slim. Beste stuurman staan aan wal. Dog ons het die voorreg om tog te
kan spekuleer.
Om die probleem te analiseer, moet ons
onderskei tussen strukturele en persoonlike probleme. Weereens wat die
strukturele probleme betref is daar die deduktiewe en die induktiewe kant. Die
deduktiewe kant handel oor die atmosfeer binne SA. Vir wie speel die Bokke? Vir
‘n land met sy heerlikhede, maar ook ’n land met enorme probleme. Dit is so ‘n
mengeldrankie. Die beeld wat SA op die oomblik het, is vir sommige van ons en
moontlik die huidige Bokondersteuners korrup. Kan ‘n Bok emosioneel met oorgawe
vir so ‘n korrupte land voluit speel? Induktief gesproke is daar die SARU. Is
die Raad by die spelers en hoedanig is hulle ondersteuning? Die Afrigter se
verhouding met die spelers? Speel ons met ‘n verstokte speelplan?
Die spelers: speel hulle vir die
vergoeding? Is heelwat van hulle nie te oud nie? Is hulle fiks? Dink hulle
kreatief?
Na my mening het die kwotastelsel ‘n
minuskule invloed. ‘n Drastiese oplossing kan drastiese gevolge hê. Enige
besluit se gevolge moet eers oorweeg word voordat dit geneem word.
Lê die oplossing moontlik om van voor
die begin.
No comments:
Post a Comment