DONALD TRUMP EN GENL. JBM HERTZOG.
Ses-en-vyftigjaar gelede sit ek op
skool, in ons geskiedenisklas. In die klas het mnr. Van der Walt die Premiers
van Suid Afrika vanaf 1910 tot 1958 met hulle foto’s en slagspreuke teen die
muur vasgeplak. Genl. JBM Hertzog se slagspreuk was: Suid-Afrika eerste. Ons
Geskiedenisonderwyser het destyds die breuk tussen Generaals Botha en Hertzog
verduidelik deur te verklaar dat Genl. Hertzog Suid Afrika se oor betrokkenheid
by Engeland, as oudvyand, ten koste van Suid Afrika se belange nie kon verduur
nie. Gevolglik: sny die naelstring met Engeland: Suid-Afrika eerste.
Pres. Donald Trump sê gister: VSA
eerste. Die ekonomie is die rede, want die gewone Amerikaners leef ongemaklik.
Vir hom is die VSA ekonomies oorbetrokke
by sy bondgenote. Hierdie leiersrol kos dollars. Die bondgenote moet bydra tot
onkostes, invoerheffing van 35% en die bekamping van die euwels is sy
prioriteit.
Die Poltieke fonologie is ‘n
interessante verbinding tussen die twee, maar geen sillogisme kan hiervan
afgelei word nie.
No comments:
Post a Comment