Donald J Trump is binnekort die
President van die “magtigste land” op ons planeet soos sommige Amerikaners dit
beskrywe. Almal hou hulle asem op weens sy moontlike irrasionele optrede as
President. Dit verg meer as ‘n Toekomskundige om sy Presidentskap raak te
voorspel. As die beginsel van analogie toegepas word, sal hy steeds met
“tweets” kommunikeer, sal hy kritiek met wederkritiek beantwoord, sal hy
hiperbolies kommunikeer, sal hy spog met rykdom en IK’s, sal hy soms sy
toesprake uit sy sak haal, maar impulsief praat, en sal hy onvoorspelbaar
optree. Maar die analogie kan totaal verkeerd wees. Hy kan ons verras. Wat ons
wel kan sê is dat hy die begeerte het om die VSA se ekonomie te laat groei. As
ek ‘n aanbeveling kon maak is: mnr. Trump bestudeer jou geskiedenis: lees oor
die Monroe-leer en die diplomasie van Henry Kissinger. Met détente gaan jy dalk
verder kom as konfrontasie. Ons sien uit na ‘n heerlike opwindende tyd! Risiko’s
en al!
No comments:
Post a Comment